ԱՄՆ պետքարտուղար Մարկո Ռուբիոն մտադիր է փետրվարի կեսերին աշխատանքային շրջագայություն կատարել Մերձավոր Արևելքի երկրներ։ Այս մասին հայտնում է Axios պորտալը՝ հղում անելով աղբյուրներին։ Ակնկալվում է, որ պետքարտուղարը կմասնակցի փետրվարի 14-ին մեկնարկող Մյունխենի անվտանգության համաժողովին, որից հետո կմեկնի Մերձավոր Արեւելք։
«Իսրայելցի պաշտոնյաները և երկու բանիմաց աղբյուրներ Axios-ին հայտնել են, որ Ռուբիոն նախատեսում է Մյունխենից մեկնել տարածաշրջան և այցելել Իսրայել, Արաբական Միացյալ Էմիրություններ, Սաուդյան Արաբիա և, հնարավոր է՝ այլ երկրներ»,- նշել է պորտալը։
Պետդեպարտամենտը պաղեստինցի պաշտոնյաներին ասել է, որ Ռուբիոն կայցելի Պաղեստինի ինքնավարություն, եթե գնա Իսրայել։
