ԱՄՆ վարչակազմը կարիք չունի ամերիկացի զինվորների ուղարկել Գազայի հատված՝ պաղեստինյան արմատական ՀԱՄԱՍ շարժման դեմ պայքարելու համար, քանի որ դա Իսրայելի գործն է։ Այս մասին Fox News-ին տված հարցազրույցում հայտարարել է Իսրայելի վարչապետ Բենիամին Նեթանյահուն։
«Չեմ կարծում, որ Դոնալդ Թրամփը խոսում էր ամերիկյան զորքեր ուղարկելու մասին՝ իրականացնելու ՀԱՄԱՍ-ի ոչնչացման խնդիրը: Սա մեր պարտավորությունն է: Սա մեր գործն է, և մենք լիովին հավատարիմ ենք դրան»,- ասել է նա:
«Բայց, իրականում, գաղափարն այն է, որ Գազայի բնակիչները, ովքեր ցանկանում են հեռանալ, հնարավորություն ունենան դա անել: Նրանք կարող են հեռանալ, հետո վերադառնալ: Բայց դուք պետք է վերակառուցեք Գազան», - ասել է Իսրայելի վարչապետը:
