Իրանը կկարողանար միջուկային զենք ձեռք բերել 10 տարի առաջ, եթե Իսրայելը դրան չխանգարեր։ Այս մասին Fox News-ին տված հարցազրույցում հայտարարել է Իսրայելի վարչապետ Բենիամին Նեթանյահուն։«Կասկած չկա, որ Իրանը պատրաստվում է միջուկային զենք ձեռք բերել:
Նրանք, հավանաբար, արդեն ձեռք բերած կլինեին այն 10 տարի առաջ, եթե մենք տարբեր գործողություններ չձեռնարկեինք դրանք զսպելու համար։
Մենք դանդաղեցրինք նրանց ընթացքը, բայց ամբողջությամբ չխանգարեցինք»,- ասել է նա։
Axios պորտալը, վկայակոչելով աղբյուրներին, հայտնում է, որ Նեթանյահուն ծրագրել է ԱՄՆ նախագահ Դոնալդ Թրամփի հետ բանակցությունների ընթացքում փորձել համոզել նրան Իսրայելի բանակին մատակարարել զենք, որը կարող է ոչնչացնել Իրանի միջուկային օբյեկտները։
