Սեուլի հետ Տոկիոյի հարաբերությունները չափազանց կարևոր են «ներկայիս ռազմավարական միջավայրում», չնայած Հարավային Կորեայի ներքաղաքական իրավիճակին։ Այս մասին հայտարարել է Ճապոնիայի կաբինետի գլխավոր քարտուղար Յոշիմասա Հայաշին՝ մեկնաբանելով Հարավային Կորեայի դատախազության կողմից Կորեայի Հանրապետության նախագահ Յուն Սեոկ Յեոլին ապստամբության մեղադրանք առաջադրելը։
«Մենք ձեռնպահ կմնանք երրորդ երկրների ներքին քաղաքականության մեկնաբանություններից, սակայն Ճապոնիայի կառավարությունն ուշադիր հետևում է Կորեայի Հանրապետությունում տիրող իրավիճակին», - ասել է նա՝ նշելով, որ Տոկիոն և Սեուլը «հարևաններ են, որոնք պետք է համագործակցեն որպես գործընկերներ տարբեր միջազգային խնդիրների լուծման գործում»:
«Ճապոնիայի և Հարավային Կորեայի միջև հարաբերությունների կարևորությունը ներկայիս ռազմավարական միջավայրում մնում է անփոփոխ»,- հավելել է Հայաշին։
Հունվարի 26-ին Կորեայի Հանրապետության դատախազությունը պաշտոնական մեղադրանք է առաջադրել նախագահ Յուն Սեոկ Յոլին:
