Կաթնամթերքը նվազեցնում է կոլոռեկտալ քաղցկեղի վտանգը
Ամերիկացի գիտնականները 17 տարվա հետազոտություններից հետո պարզել են, որ կաթը կարող է պաշտպանել մարդու օրգանիզմը քաղցկեղից։ Euromedia24-ի փոխանցմամբ՝հետազոտության մանրամասները հրապարակվել են Nature Communications ամսագրում:
Հոդվածում նշվում է, որ Օքսֆորդի համալսարանի գիտնականները հետազոտություն են անցկացրել ավելի քան 540 հազար կանանց մասնակցությամբ։
Նրանք պարզել են, որ օրական մեկ բաժակ կաթ խմելը կարող է նվազեցնել աղիների քաղցկեղի ռիսկը 17%-ով։ Նշվում է նաև, որ կալցիումի այլ ոչ կաթնամթերքի աղբյուրները նույնպես կարող են ունենալ նույն օգտակար ազդեցությունը:
Հետազոտության առաջատար հեղինակ և Օքսֆորդի համալսարանի սնուցման ավագ համաճարակաբան Քերեն Պապիերն ասում է, որ կաթնամթերքը կարող է օգնել կանխարգելել կոլոռեկտալ քաղցկեղը: Դա պայմանավորված է կալցիումի բարձր պարունակությամբ, որը կարող է կապվել լեղու և աղիքներում առկա ազատ ճարպաթթուների հետ:
Մասնագետները կարծում են, որ հետազոտության արդյունքները տեղին են նաեւ տղամարդկանց համար։ Նրանք նաև ընդգծել են, որ անհրաժեշտ է հաշվի առնել կաթնամթերքի անձնական հակացուցումները։
