ԵՄ-ն 3 միլիարդ եվրո է փոխանցել Ուկրաինային Յոթնյակի խմբից (G7) վարկի հաջորդ տրանշի տեսքով՝ Ռուսաստանի Դաշնության սառեցված ակտիվների վերաներդրումից ստացված եկամուտների դիմաց: Այս մասին X-ում գրել է Եվրահանձնաժողովի ղեկավար Ուրսուլա ֆոն դեր Լայենը։
«Այսօր մենք Ուկրաինային տրամադրել ենք 3 միլիարդ եվրո՝ G7-ի վարկի եվրոպական մասի առաջին մասնաբաժնի տեսքով»,- գրել է նա։
Իր հերթին, եվրոպական դիվանագիտության ղեկավար Կայա Կալլասը նույնպես X-ում պարզաբանել է, որ այս վարկը մարվելու է օտարված «ռուսական ակտիվներից ստացված եկամուտներից»։ Ըստ նրա՝ ԵՄ-ն այսպիսով մտադիր է «աջակցել Ուկրաինայի տնտեսությանը, որպեսզի ազատի ուկրաինական փողերը ռազմական կարիքների համար»։
Տրանշը հաստատել է նաև Ուկրաինայի վարչապետ Դենիս Շմիգալը Telegram-ի իր ալիքում։ «Ուկրաինայի պետբյուջեն ԵՄ-ից ստացել է 3 միլիարդ եվրո՝ ERA նախաձեռնության շրջանակներում (Ուկրաինայի արտակարգ եկամուտների արագացման ծրագիր - ՏԱՍՍ-ի նշում)»,- գրել է նա։
