ԵՄ արտաքին գործերի նախարարները մտադիր են անտեսել օգոստոսին Բուդապեշտում կայանալիք գագաթաժողովը՝ կազմակերպելով սեփական «ֆորմալ» գագաթաժողով նույն ժամանակ, տեղեկացրել է Politico-ն։ https://www.politico.com/live-updates/2024/07/14/trump-rally-shooting-updates/green-grills-secret-services-cheatle-00168178Հունգարիան, որը նախագահում է ԵՄ Խորհրդում, նախատեսում է արտաքին գործերի վերաբերյալ գագաթաժողով անցկացնել Բուդապեշտում օգոստոսի 28-29-ին։Բայց այն բանից հետո, երբ այդ երկրի վարչապետ Վիկտոր Օրբանը խանգարեց Ուկրաինային օգնության ցուցաբերմանը եւ ինքնակամ հանդիպեց ռուսաստանցի բռնապետ Վլադիմիր Պուտինի եւ Չինաստանի նախագահ Սի Ծինփինի հետ, շատ արտգործնախարարներ փնտրում են խուսափելու միջոց գտնել Օրբանի եւս մեկ քարոզչական շոուից։ԵՄ երեք դիվանագետների խոսքով՝ ԵՄ արտաքին քաղաքականության գերագույն ներկայացուցիչ Ժոզեպ Բորելը կհրավիրի նախարարներին «ֆորմալ» խորհրդի Օրբանի գագաթաժողովի հետ միաժամանակ։«Եթե այդ օրը տեղի ունենա Բորելի կազմակերպած արտաքին գործերի պաշտոնական խորհուրդը, նախարարները չեն կարողանա գնալ Բուդապեշտ»,- ասել է դիվանագետներից մեկը։Մյուսն ավելացրել է, որ բոյկոտելով Բուդապեշտի հանդիպումը՝ մյուս արտաքին գործերի նախարարները ցանկանում են «հստակ ազդանշան ուղարկել», որ Հունգարիան հանդես չի գալիս ԵՄ-ի անունից»։Politico-ի տվյալներով՝ այդ պլանն արդեն ոչ պաշտոնապես քննարկվել է ԵՄ մի քանի երկրների կողմից, ներառյալ Ֆրանսիան եւ Գերմանիան։ Չորեքշաբթի Բորելի թիմը կներկայացնի ԵՄ 27 մշտական ներկայացուցիչների պլանը։Հուլիսի 2-ին Օրբանն այցելեց Կիեւ, որտեղ նախագահ Վլադիմիր Զելենսկուն առաջարկեց դադարեցնել դիմակայել ռուսական ներխուժմանը, վայր դնել զենքը եւ համաձայնել «խաղաղության բանակցություններին»։Հուլիսի 5-ին Օրբանն այցելեց Մոսկվա, որտեղ բանակցություններ վարեց Պուտինի հետ։ Դրանից հետո նա մեկնեց Չինաստան։ ԵՄ-ում քննադատել են այս ուղեւորությունները, որովհետեւ դրանք համաձայնեցված չէին, իսկ Օրբանին ոչ ոք չէր լիազորել խոսել ամբողջ միության անունից։Հունգարիան չեղարկել էր Բուդապեշտ Գերմանիայի արտաքին գործերի նախարար Աննալենա Բերբոքի այցը, որովհետեւ նրա հունգարացի գործընկեր Պետեր Սիյարտոն անսպասելի Օրբանի հետ մեկնել էր Պուտինի մոտ։
ԵՄ-ը ցանկանում է պատժել Օրբանին՝ բոյկոտելով Հունգարիայի արտաքին քաղաքական գագաթաժողովը. Politico
15.07.2024 15:28 |
Կատեգորիա
Եվրոպա
