Սիրիայի նոր իշխանությունները վտանգ չեն ներկայացնում արաբական մյուս երկրների համար։ Այս մասին ասել է նրանց առաջնորդ Ահմեդ ալ-Շարաան (հայտնի է Աբու Մուհամմեդ ալ-Ջուլանի մականունով) Asharq al-Awsat թերթին տված հարցազրույցում։
«Սիրիան հարթակ չի դառնա արաբական կամ ծոցի որևէ երկրի վրա հարձակման համար, ոչ էլ անհանգստության պատճառ կդառնա:
Մեր ներկայությունը Դամասկոսում որևէ մեկի համար սպառնալիք չի նշանակում», - նշել է ալ-Շարաան: Նա հավելել է, որ նոր իշխանությունները ձգտում են Սիրիան հասցնել տնտեսական զարգացման նոր մակարդակի և հավատարիմ են համագործակցությանը։
Նրա խոսքով, Դամասկոսը մտադիր է նաև «հարգալից հարաբերություններ» կառուցել հարևան Լիբանանի հետ։
«Մենք չենք ցանկանում միջամտել Լիբանանի ներքին գործերին, քանի որ մենք բավական աշխատանք ունենք անելու մեր երկրում», - բացատրել է նա:
