Ռուսաստանի նախագահ Վլադիմիր Պուտինը, ըստ իտալացիների, երկրորդ ամենաազդեցիկ քաղաքական գործիչն է աշխարհում։ Նման տվյալներ են ստացվել միջազգային քաղաքականության հետազոտությունների ինստիտուտի (ISPI) կողմից հրապարակված հասարակական կարծիքի հարցման արդյունքում:
Հարցվածների 39%-ը ամենաազդեցիկ քաղաքական գործիչ է անվանել ԱՄՆ նորընտիր նախագահ Դոնալդ Թրամփին։ Հարցվածների 22%-ը լավագույնի հույսերը կապում է Թրամփի ապագա նախագահության հետ։
Իտալացիների 22%-ը հույս ունի Մերձավոր Արևելքում և Ուկրաինայում խաղաղության հասնելու համար:
Ռուսաստանի առաջնորդը (17%) առաջ է անցել ամերիկացի ձեռնարկատեր Իլոն Մասքից (16%) և Հռոմի պապ Ֆրանցիսկոսից (13%)։ Ցուցակը եզրափակում է Չինաստանի նախագահ Սի Ծինփինը 5%-ով, իսկ Եվրահանձնաժողովի նախագահ Ուրսուլա ֆոն դեր Լայենը՝ 4%-ով։
Հարցվածների 42%-ը կարծում է, որ Ուկրաինան պետք է համաձայնի Ռուսաստանի Դաշնության հետ համաձայնագրի՝ նույնիսկ տարածքային զիջումների պայմանով։ Միայն 13%-ն է կողմ ԵՄ-ից և ԱՄՆ-ից Ուկրաինային ռազմական մատակարարումների շարունակմանը։
«Չնայած ներկա հակամարտություններին, իտալացիների մեծամասնությունը չի ցանկանում, որ ռազմական ծախսերն ավելանան», - ասվում է ISPI-ի շնորհանդեսում:
