Շվեդիայի կառավարությունը չի բացառում խաղաղության բանակցությունների մեկնարկից հետո թագավորությունից խաղաղապահներ ուղարկել Ուկրաինա։ Այս մասին Բրյուսելում ԵՄ գագաթնաժողովին ժամանելուն պես հայտարարել է Շվեդիայի վարչապետ Ուլֆ Քրիստերսոնը։
«Այդ քննարկումը խաղաղության բանակցությունների և խաղաղապահներ ուղարկելու մասին շարունակվում է երկար ժամանակ»,- ասել է նա։
Շվեդիայի վարչապետն ընդգծել է, որ խաղաղ բանակցությունները պետք է տեղի ունենան Ուկրաինայի պայմաններով, և որ դրա համար անհրաժեշտ է ամրապնդել Կիևի դիրքերը։
Քրիստերսոնը նաև հայտնել է, որ բանակցությունների և խաղաղապահներ ուղարկելու հարցը քննարկվել է Շվեդիայի Հարփսունդ քաղաքում սկանդինավյան և բալթյան երկրների հանդիպմանը, որին տեսակապով մասնակցել է Ֆրանսիայի նախագահ Էմանուել Մակրոնը։
