Բաքվում ԱՄՆ դեսպանատունը X-ում կատարված գրառմամբ Ադրբեջանի իշխանություններին մեղադրել է ազատ մամուլի վրա ճնշում գործադրելու մեջ՝ նրանց, ըստ էության, անվանելով «վախկոտ»։ «Կառավարության կողմից ազատ մամուլի և քաղհասարակության ճնշման հետ կապված միջազգային քննադատությունը մեկ բանի արդյունք է՝ կառավարության կողմից ազատ ԶԼՄ–ների և քաղաքացիական հասարակության ճնշման։ Փաստ է, որ 2023 թվականի նոյեմբերից գրեթե երեք տասնյակ լրագրողներ ու բլոգերներ են ձերբակալվել։
Մի՞թե «վախկոտություն» է հարցնել, թե ինչու։ Թե՞ այստեղ իրական «վախկոտ» արարքը ադրբեջանական հանրության ուշադրությունն այս փաստից շեղելու փորձն է։
Մեդիագրագիտության շաբաթ է։ Մի մոռացեք փնտրել տեղեկատվության տարբեր աղբյուրներ, կասկածի տակ դնել նարատիվները և զգոն լինել՝ մոլորության մեջ չընկնելու համար», - գրել է դեսպանությունը՝ կցելով Ադրբեջանի պետական լրատվամիջոցների հակաամերիկյան ռեպորտաժի հղումը:
