Վրաստանի նախագահ Սալոմե Զուրաբիշվիլին ասել է, որ իր նախագահական ժամկետի ավարտից հետո ինքը չի ցանկանում լինել վտարանդի քաղաքական գործիչ՝ ճանաչված առանձին պետությունների կողմից, ինչպես բելառուս ընդդիմադիր Սվետլանա Տիխանովսկայան։
«Վրաստանը լքելու հարց չկա, ես այնտեղ եմ, և չեմ ուզում։ Ես ակնարկներ եմ տեսնում, որ դառնալու եմ Տիխանովսկայա կամ Վենեսուելայի նախագահ, ով լքել է երկիրը:
Եվ ես լսել եմ նաև Սախարովի անվան մրցանակի շնորհման մասին (վենեսուելացի ընդդիմադիրներին)։ Ես դա չեմ ուզում»,- ասել է Զուրաբիշվիլին լեհական TVP World հեռուստաալիքին տված հարցազրույցում՝ պատասխանելով իր ապագայի մասին հարցին։
«Ի՞նչ իմաստ ունի աջակցությունը, երբ ամեն ինչ ավարտված է, ես աջակցության կարիք ունեմ հիմա՝ իմ երկրում, իմ ժողովրդի կողմից»,- հավելել է նա։
