Apple-ը iPhone-ում ավելացրել է RCS (Rich Communication Services) հաղորդագրությունների աջակցություն, ինչը Google-ը վաղուց էր խնդրում: Այնուամենայնիվ, RCS հաղորդագրությունները պաշտպանված չեն ծայրից ծայր գաղտնագրմամբ, տեղեկացնում է 9to5Google-ը։RCS հաղորդագրությունների աջակցությունը ԱՄՆ-ում iPhone օգտագործողներին հասանելի է դարձել iOS 18-ի երկրորդ բետա տարբերակի թարմացումից հետո: Հեռահաղորդակցության ընկերությունների հաճախորդները, ինչպիսիք են AT&T-ն, T-Mobile-ն և Verizon-ը, այժմ կարող են օգտագործել RCS-ը, որը թույլ է տալիս տեսնել հաղորդագրությունների առաքման կարգավիճակը, արդյոք դրանք կարդացել են, թե ոչ։ RCS-ն ունի նաև տեքստի մուտքագրման ինդիկատորներ, ինչպես նաև ֆայլերի փոխանակման բարելավված փորձառություն:Այնուամենայնիվ, ներկայիս տեսքով հաղորդագրությունները ծայրից ծայր գաղտնագրված չեն և ունեն SMS-ի և MMS-ի սահմանափակ կարգավորումներ: Ակնկալվում է, որ այս գործառույթները կավելացվեն այս աշնանը iOS 18-ի կայուն կառուցվածքի թողարկմամբ:Google-ը բազմիցս խնդրել է Apple-ին iMessage-ում ավելացնել RCS ստանդարտի աջակցությունը, որի առաջմղումն իրականացվում է Google-ի ջանքերով: Այս ստանդարտը չունի նիշերի քանակի սահմանափակում, ունի լուսանկարներն առանց սեղմման ուղարկելու և խմբային զրույցների աջակցություն։
iPhone-ում նոր գործառույթ է ավելացել, որը շփումն էլ ավելի հարմարավետ կդարձնի
01.07.2024 15:55 |
Կատեգորիա
Գիտություն և մշակույթ
