Իրավիճակը Մերձավոր Արևելքում ամիս առ ամիս վատանում է, ինչը անհանգստություն է առաջացնում Հնդկաստանում առևտրի վրա բացասական ազդեցության պատճառով։ Այս մասին հայտարարել է Հնդկաստանի արտաքին գործերի նախարար Սուբրահմանյամ Ջայշանքարը՝ ելույթ ունենալով Դոհայի XXII ֆորումում։
«Այն, ինչ տեղի է ունենում Սիրիայում, ամբողջ տարածաշրջանում, Գազայում և Լիբանանում, ստեղծում է տարածաշրջանային լուրջ անկայունության իրավիճակ, որն աճում է ամիս առ ամիս: Եվ որպես Ասիայի մյուս կողմում գտնվող երկիր, մենք զգում ենք դրա ազդեցությունը: Մենք դա զգում ենք ապրանքների առաքման ծախսերի, առևտրի խափանումների մեջ»,- ասել է նա։
Նախարարի խոսքով՝ Մերձավոր Արևելքում տեղի ունեցող իրադարձությունները Հնդկաստանի համար անհանգստության աղբյուր են, քանի որ «այս տարածաշրջանն այնքան էլ հեռու չէ»։
