Կատարի վարչապետ և արտաքին գործերի նախարար Մուհամեդ բեն Աբդերահման Ալ Թանին նախազգուշացրել է Սիրիայում քաղաքացիական պատերազմի հնարավորության մասին՝ ստեղծված իրավիճակի զարգացման հետևանքով, եթե քաղաքական լուծում չգտնվի։
«Իրավիճակը Սիրիայում զարգանում է և կարող է դառնալ ավելի վտանգավոր: Մենք զգուշացնում ենք քաղաքացիական պատերազմի հնարավորության մասին։ Մտավախություն կա, որ քաղաքացիական պատերազմը կվտանգի Սիրիայի միասնությունը, եթե քաղաքական լուծում չգտնվի», - ասել է Ալ Թանին:
Նա մատնանշել է, որ «անհրաժեշտ է ստեղծել անհրաժեշտ շրջանակ, որպեսզի կարողանան հասնել կայուն լուծման Սիրիայում»։
