Ֆիլադելֆիայի բնակիչները դարձել են աշխարհի ամենատարեց նորապսակները, գրում է UPI-ն։
Ֆիլադելֆիայում եզակի իրադարձություն է տեղի ունեցել՝ 100-ամյա Բերնի Լիթմանը և 102-ամյա Մարջորի Ֆիթերմանը, ծանոթանալով ծերանոցում, ամուսնացել են և դարձել աշխարհի ամենատարեց նորապսակները։
Լիթմանը և Ֆիթերմանը առաջին անգամ հանդիպել են իրենց հաստատության տարազներով երեկույթի ժամանակ և շուտով պարզել, որ իրենք երկուսն էլ Ֆիլադելֆիայի համալսարանի ուսանողներ են եղել, թեև ուսանողության տարիներին չեն հանդիպել:
Լիթմանի թոռնուհին՝ Սառա Սիչերմանը, ասում է, որ զույգին «բախտ է վիճակվել գտնել և աջակցել միմյանց դժվար ժամանակներում», հատկապես համաճարակի ժամանակ: Նա նաև նշել է, որ հարսն ու փեսան ուրախ են, որ հասուն տարիքում կրկին սեր են գտել իրենց առաջին ամուսինների հետ ավելի քան 60 տարվա ամուսնությունից հետո:Բերնին իր երկարակեցությունը բացատրում է ընթերցանության նկատմամբ սիրով և համաշխարհային իրադարձությունների հանդեպ հետաքրքրությամբ, մինչդեռ Մարջորին ասում է, որ պարն է իրեն առողջ պահում:
