Թբիլիսիում քրեական հանցագործությունների կասկածանքով ձերբակալվել է ընդդիմության ցույցերի 18 մասնակից, հաղորդում է Վրաստանի ՆԳՆ մամուլի ծառայությունը։
«Քրեական օրենսգրքի 187-րդ և 353-րդ հոդվածներով բերման են ենթարկվել 9 անձ՝ 225-րդ և 239-րդ հոդվածներով բերման ենթարկվել ևս 8-ը: Պայթյուն կատարելու մեղադրանքով կալանավորվել է 1 անձ»,- հայտնել են վարչությունից։
Վրաստանի Քրեական օրենսգրքի 187-րդ հոդվածը վերաբերում է ուրիշի ունեցվածքի վնասմանը կամ ոչնչացմանը։ 353-րդ հոդվածը նախատեսում է պատիժ ոստիկանի վրա հարձակումը, 225-րդ և 239-րդ հոդվածները պատժում են խմբակային բռնություն կազմակերպելը, ղեկավարելը կամ մասնակցելը և բռնի գործողությունների հրապարակային կոչերը:
