Իրանը պատրաստ է ընդլայնել հարաբերությունները Ռուսաստանի և Չինաստանի հետ՝ բազմաբևեռ աշխարհակարգ հաստատելու համար։
Այս մասին հայտարարել է Իսլամական Հանրապետության նախագահ Մասուդ Փեզեշքիանը Թեհրանում կայացած չինական բարձրաստիճան պատվիրակության հետ հանդիպմանը։
«Մենք վճռական ենք խորացնելու մեր համագործակցությունը Չինաստանի և Ռուսաստանի հետ՝ միաբևեռ աշխարհակարգին հակազդելու համար»,- Փեզեշքիանի խոսքերն է մեջբերում նրա մամուլի ծառայությունը։
Իրանի նախագահի խոսքով՝ «ԱՄՆ-ը ձգտում է հեգեմոնիայի միջազգային ասպարեզում»։
Հոկտեմբերին Կազանում BRICS-ի գագաթնաժողովի շրջանակներում ՌԴ նախագահ Վլադիմիր Պուտինի հետ բանակցությունների ժամանակ Փեզեշքիանն ասել էր, որ Մոսկվան և Թեհրանը կկարողանան չեզոքացնել ամերիկյան պատժամիջոցների բացասական հետևանքները։
