Իրաքի շիա կազմավորումների մարտիկները մտել են հարեւան Սիրիայի տարածք՝ կառավարական զորքերին աջակցություն ցուցաբերելու համար Հալեպի և Իդլիբ նահանգների վրա ահաբեկչական հարձակումներից հետո, հայտնում է Al Arabiya հեռուստաալիքը։
«Իրանամետ շիա խմբերը ներխուժել են Իրաքից՝ օգնելու սիրիական զորքերին ահաբեկիչների դեմ պայքարում», - մեջբերում է հեռուստաալիքը սիրիական բանակի անանուն ներկայացուցչի խոսքերը։
Հեռուստաալիքի աղբյուրի համաձայն՝ «Ժողովրդական մոբիլիզացիայի» և «Քաթայբ Հեզբոլլահի» տասնյակ իրաքյան շիա զինյալներ, ինչպես նաև «Ֆաթեմիյուն» շարժման մարտիկները հատել են սահմանը Աբու Քամալ քաղաքի մոտ և շարժվում են Սիրիայի հյուսիս և Համա քաղաք։
