Իրանի ԱԳ նախարար Աբբաս Արաքչին Դամասկոսից մեկնել է Թուրքիա՝ շարունակելու իր այցը Մերձավոր Արևելք, որը ձեռնարկվել է Սիրիայում ահաբեկչական խմբավորումների ակտիվացման ֆոնին, փոխանցում է ՌԻԱ Նովոստին։Սիրիայի պաշտպանության նախարարությունը նոյեմբերի 28-ին հայտարարել է, որ կառավարական բանակը մարտի է դուրս եկել Հալեպ և Իդլիբ նահանգների վրա գրոհած ահաբեկիչների դեմ։
Խախտելով դեէսկալացիայի համաձայնագիրը՝ «Հայաթ Թահրիր ալ-Շամին» պատկանող խմբավորումները հարձակվել են Հալեպի և Իդլիբի լայն ճակատի վրա գտնվող գյուղերի, քաղաքների և ռազմական դիրքերի վրա։
Բանակը պատասխանել է հարձակմանը, որի արդյունքում՝ ահաբեկիչները կորուստներ են ունեցել կենդանի ուժի և տեխնիկայի առումով։
«Իրանի Իսլամական Հանրապետության արտաքին գործերի նախարարը Սիրիայի բարձրագույն ղեկավարության հետ խորհրդակցություններից հետո Դամասկոսից մեկնել է Անկարա»,- ասվում է հաղորդագրության մեջ։
