Վրաստանի վարչապետ Իրակլի Կոբախիձեն չի բացառել, որ իշխանությունները կարող են դիմել Սահմանադրական դատարան (ՍԴ)՝ ընդդիմադիր քաղաքական կուսակցություններին անօրինական ճանաչելու համար։
«Նրանք (ըստ ՏԱՍՍ) բացահայտորեն դեմ են արտահայտվել Վրաստանի սահմանադրական համակարգին, որն ուղղակի հիմք է ստեղծում՝ դիմելու Սահմանադրական դատարան և ընդդիմադիր կուսակցություններին հակասահմանադրական ճանաչելու համար, տեսնենք, սպասենք, թե ինչպես կզարգանան գործընթացները»,- ասել է Կոբախիձեն կառավարության նիստում։
Ինչպես պարզաբանել է Վրաստանի կաբինետի ղեկավարը, ընդդիմություն ասելով նկատի ունի Վրաստանի նախկին նախագահ Միխեիլ Սաակաշվիլիի «Միացյալ ազգային շարժում» կուսակցությունը, «Հանուն փոփոխությունների» և «Ուժեղ Վրաստան» կոալիցիան և նախկին վարչապետ Գիորգի Գախարիայի կուսակցությունը։
