Վրաստանի վարչապետ Իրակլի Կոբախիձեն հայտարարել է, որ իշխանությունները չեն դիտարկում նոր խորհրդարանական ընտրությունների անցկացման հարցը։
«Ոչ իհարկե, ինչի մասին է խոսքը», – ասել է Կոբախիձեն՝ պատասխանելով լրագրողների հարցին, թե արդյոք իշխանությունները պատրաստվում են կրկին ընտրություններ անցկացնել երկրում։
Վրաստանում խորհրդարանական ընտրությունները տեղի են ունեցել հոկտեմբերի 26-ին։ Կենտրոնական ընտրական հանձնաժողովի վերջնական տվյալների համաձայն՝ իշխող «Վրացական երազանք-Ժողովրդավարական Վրաստան» կուսակցությունը հաղթել է ձայների 53,93%-ով եւ ստացել օրենսդիր մարմնում 150 մանդատներից 89-ը։
