Կոսովոյի վարչապետը ջրատարում տեղի ունեցած պայթյունն`ահաբեկչություն է որակել

30.11.2024 22:56 | Կատեգորիա Համաշխարհային

Deutsche Welle - Պայթեցվել է ածխով աշխատող երկու էլեկտրակայաններին ջուր մատակարարող ջրատարը։ Կոսովոյի վարչապետը հայտնել է, որ հարձակման հետեւում կանգնած է սերբական կողմը։

Կոսովոյում պայթյունի հետևանքով վնասվել է ածուխով աշխատող երկու կարևոր էլեկտրակայանների ջրամատակարարումը, հայտնում է AFP-ն շաբաթ օրը՝ նոյեմբերի 30-ին: Վարչապետ Ալբին Կուրտին դա անվանել է ահաբեկչություն և ասել է, որ ոստիկանությունը ձերբակալել է երկու կասկածյալի, որ պայթյունների հետևում կանգնած են Սերբիայի հետ կապված խմբավորումներ:

«Այս հանցավոր և ահաբեկչական հարձակումը նպատակ ուներ վնասել մեր հիմնական ենթակառուցվածքներին», - ասել է վարչապետը, որ եթե վնասը չվերականգնվի, երկրի որոշ հատվածներ կարող են մնալ առանց էլեկտրականության։ Պայթեցվել է ջրատարը, որը ջուր է մատակարարում ածուխով աշխատող երկու էլեկտրակայաններին, որոնք արտադրում են երկրի գրեթե ողջ էլեկտրաէներգիան։ Ջրամատակարարող «Իբար-Լեպենցի» ընկերության տվյալներով՝ ջրմուղի մեջ նետված պայթուցիկ սարքը վնասել է պատը։

«Հարձակումն իրականացվել է պրոֆեսիոնալ կերպով։ Մենք կարծում ենք, որ դրա հետևում կանգնած են սերբական խմբավորումները», - ասել է Կուրտին։ Ձերբակալված կասկածյալները խուզարկվել են և նրանց դեմ «ցուցմունքներ ու ապացույցներ են հավաքվել», հավելել է նա։

Սերբիան հերքել է մեղադրանքները Կոսովոյի վարչապետն ուղղակիորեն մեղադրել է Սերբիայի նախագահ Ալեքսանդր Վուչիչին «այդ հանցավոր կառույցներին» աջակցելու մեջ։ Նրա խոսքով՝ սերբական կողմն ունի «նման հարձակումներ իրականացնելու և վնաս պատճառելու շահագրգռվածություն, ցանկություն և կարողություն», ինչը երևում է նաև պայթուցիկների մեծ քանակից։

Սերբիան «միանշանակորեն հերքում է իր մասնակցությունը վերջին հարձակմանը», - ասել է Վուչիչը՝ դատապարտելով իր երկրի դեմ ուղղված «անպատասխանատու» «անհիմն մեղադրանքները», հաղորդում է AFP-ն: «Նման անհիմն հայտարարությունները նպատակ ունեն արատավորել Սերբիայի հեղինակությունը, ինչպես նաև խաթարել տարածաշրջանում խաղաղությանն ու կայունությանը նպաստելու ջանքերը»,- ասել է նա։

«Փաստ». Սահմանների պաշտպանությունն ու առկա մարտահրավերները. ի՞նչ պետք է անի Հայաստանը