Պաղեստինյան ՀԱՄԱՍ արմատական շարժման պատվիրակությունը կմեկնի Կահիրե՝ բանակցելու Եգիպտոսի ներկայացուցիչների հետ Գազայի հատվածում հնարավոր զինադադարի շուրջ։ Այս մասին հայտնում է The Times of Israel-ը։
Ամերիկացի հանրապետական սենատոր Լինդսի Գրեհեմը անցյալ շաբաթ ժամանել է Իսրայել՝ հանդիպելու պաշտոնյաների, այդ թվում՝ վարչապետ Բենիամին Նեթանյահուի հետ: Բանակցությունների ընթացքում նա նշել է, որ ԱՄՆ նորընտիր առաջնորդ Դոնալդ Թրամփը ցանկանում է նպաստել Գազայի հատվածում հրադադարի մասին համաձայնագրի կնքմանը մինչև իր երդմնակալությունը՝ հունվարին։
«Նա այս հայտարարությունն արել է շաբաթ օրը Կահիրե ՀԱՄԱՍ-ի պատվիրակության ժամանումից առաջ՝ եգիպտացի պաշտոնյաների հետ հնարավոր հրադադարի շուրջ բանակցությունների համար»,-ասվում է հոդվածում:
Այս շաբաթ Իսրայելը և «Հեզբոլլահ»-ը հրադադարի համաձայնագիր են ձեռք բերել, որն ուժի մեջ է մտել նոյեմբերի 27-ին։
