Սիրիական Հալեպ քաղաքի մի քանի շրջաններում մարտեր են ընթանում գրոհայինների և սիրիական կառավարական բանակի միջև, հայտնում է թուրքական պետական «Անադոլու» գործակալությունը։
«Հակակառավարական խմբավորումները և սիրիական բանակը կռվում են Հալեպի մի քանի շրջաններում: Գրոհայինները փորձում են ճեղքել դեպի քաղաքի հարավ, հյուսիս և արևելք։
Նրանց վերահսկողության տակ գտնվում են յոթ շրջաններ, ինչպիսիք են Համդանիեն և Ռամուսան, ինչպես նաև գիտահետազոտական կենտրոն, որն օգտագործվում է ռազմական նպատակներով»,- հայտնում է գործակալությունը։
Գործակալության տվյալներով՝ գրոհայինների վերահսկողության տակ են անցել 550 քառակուսի կիլոմետր տարածքներ։
Լրատվամիջոցները պնդում են, որ «տասնյակ» սիրիացի զինվորներ են գերի ընկել։
