Վարչապետի հետ բարեկամական կապեր չունեմ։ Այս մասին լրագրողների հետ զրույցում ասաց ՏԿԵ նորնշանակ նախարար Դավիթ Խուդաթյանն՝ անդրադառնալով լուրերին, թե ինքը Նիկոլ Փաշինյանի սանիկն է։
Պատասխանելով հարցին, թե մտահոգություններ չունի՞, որ մի օր էլ ինքը SMS կստանա՝ Խուդաթյանն ասաց․
«Ես աշխատում եմ պետական համակարգում 2018 թվականից և այս ամբողջ ընթացքում փորձել եմ առավելագույնն անել աշխատանքն արդյունավետ կազմակերպելու համար՝ սկզբից Արմավիր քաղաքում, հետո արդեն Արմավիր միավորված համայնքում և հետո արդեն Արմավիրի մարզպետի աշխատակազմում, հիմա էլ ՏԿԵՆ–ում։ Ես աթոռին կառչած կարգավիճակ չունեմ։
Ինչքան ինձ տրվի հնարավորություն աշխատել, այնքան կաշխատեմ արդյունավետ»։
