Ավանդույթի համաձայն, Մաշտոցյան Մատենադարանից Երևանի Զորավոր Սուրբ Աստվավածածին եկեղեցի է տարվել Զորավոր Ավետարանը՝ ի հիշատակ Մովսես Տաթևացի կաթողիկոսի: Հայտնում են Մատենադարանի մամուլի ծառայությունից։
Խնդրակատար ու հրաշագործ համբավ ունեցող ձեռագիրը դուրս է բերվել Տեր Գրիգոր քահանա Գրիգորյանի օրհնությամբ ու Մատենադարանի աշխատակիցների ուղեկցությամբ: Ավետարանը մի քանի ժամով հանգրվանել է Երևանի հնագույն եկեղեցում, որն իր անունը ստացել է Զորավոր Ավետարանից։
Ձեռագիրը գրվել ու նկարազարդվել է 13-14-րդ դարերում Կիլիկիայում և այժմ ունի 292 մագաղաթյա թերթ:
