Իմ որոշմամբ դիմում եմ ներկայացրել ԱԺ նախագահին՝ պատագմավորական գործառույթներս դադարեցնելու մասին։ Այս մասին լրագրողների հետ զրույցում ասաց ՔՊ–ական պատգամավոր Նարեկ Զեյնալյանը։
Նա նշեց, որ վարչապետ Նիկոլ Փաշինյանն է իրեն խնդրել վայր դնել մանդատը։
«Հորդոր չի եղել, խնդրանք է եղել, և ես կայացրել եմ որոշում։ Խնդրանքը սահմանադրական կատեգորիա չէ, և խնդրանքի արդյունքում կայացրել եմ որոշում»,– ասաց Զեյնալյանը։
Հիշեցնենք, որ ավելի վաղ Փաշինյանը Հանրային հեռուստաընկերությանը տված հարցազրույցում, անդրադառնալով վերջին պաշտոնանկություններին, ասել էր․
«Ինչպես Արգիշտի Քյարամյանին եմ դիմել խնդրանքով, նույն կերպ և նույն պատճառաբանությամբ դիմել եմ նաև Նարեկ Զեյնալյանին և Հովիկ Աղազարյանին»։
