Ռիո դե Ժանեյրոյում բացվել է Քսան երկրների խմբի (G20) երկօրյա գագաթնաժողովը։ Հանդիպմանը հրավիրված են G20-ի բոլոր երկրների և այլ երկրների ղեկավարները, այդ թվում՝ Անգոլան, Բոլիվիան, Կատարը, Կոլումբիան, Եգիպտոսը, Մալայզիան, Նիգերիան, Սինգապուրը և Վիետնամը, հայտնում են ռուսական ԶԼՄ-ները։
Ռուսական պատվիրակությունը գլխավորում է արտգործնախարար Սերգեյ Լավրովը։ Բրազիլիան ընտրել է կայուն զարգացումը, գլոբալ կառավարման և ինստիտուտների բարեփոխումը, ներառյալ՝ ՄԱԿ-ը, Արժույթի միջազգային հիմնադրամը և Առևտրի համաշխարհային կազմակերպությունը, սոցիալական ներառումը և սովի դեմ պայքարը որպես իր նախագահության կենտրոնական թեմաներ:
Բրազիլիայի առաջարկած «Սովի և աղքատության դեմ պայքարի Համաշխարհային դաշինքը» պաշտոնապես կմեկնարկի նոյեմբերի 18-ին, որի նպատակն է մոբիլիզացնել երկրներին, միջազգային կազմակերպություններին և մասնավոր հատվածին միջոցներ ձեռնարկելու՝ ապահովելու սննդի հասանելիությունը, հատկապես՝ առավել խոցելի շրջաններում:
Բրազիլիան նաև ցանկանում է հռչակագրում ներառել հակամարտությունների խաղաղ կարգավորման կոչ, այդ թվում՝ Ուկրաինայում և Մերձավոր Արևելքում։
