«Ինչպես է կատարվել թեկնածուի ընտրությունը, որովհետև պարոն Մեսրոպյանը, եթե չեմ սխալվում Սասուն Միքայելյանի ազգականն է։ Արդյո՞ք այն որոշիչ դեր խաղացել է այդ ընտրությունն կատարելու հարցում»,- ԱԺ նիստում ՏԿԵ նախարար Գնել Սանոսյանին դիմեց «Հայաստան» խմբակցության պատգամավոր Ագնեսա Խամոյանը՝ Հանրային ծառայությունները կարգավորող հանձնաժողովի նախագահի պաշտոնում ՀՀ կառավարության առաջադրած Մեսրոպ Մեսրոպյանի թեկնածության քննարկման ժամանակ։
«Արդյոք սա չի խանգարի նրա գործունեությանը անկախ մարմնի ղեկավարի պաշտոնում»,-հարցադրեց Խամոյանը։
Ի պատասխան Խամոյանի հարցի, Սանոսյանը նշել է, թե Մեսրոպյանն ընդամենը 1.5 տարի է, ինչ կուսակցական է։
«Պարոն Մեսրոպյանը մինչ այս քաղաքական էր, հիմա ապաքաղաքական է, կուսակցական գործունեությունը սառեցված է»
Ըստ Սանոսյանի՝ Մեսրոպյանը 2000 թ.-ից մինչ այսօր աշխատել է ոլորտում, բացառությամբ մի քանի ամիս մարզպետի պաշտոնում աշխատելը և մի քանի օր առաջ հեռացել է ՔՊ կուսակցությունից՝ քանի որ կուսակցական գործունեությունը անհամատեղելի է հանձնաժողովի նախագահի պաշտոնում։
