Քիչ առաջ Ազգային ժողովում միջադեպ է տեղի ունեցել՝ լրագրողի և ՊՊԾ ծառայողի մասնակցությամբ:
Անվտանության աշխատակիցները «Հրապարակ» թերթի լրագրող Լուսինե Շահվերդյանի ձեռքերը ոլորելով՝ արգելել են հարցազրույց անել Արդարադատության նախարար Սրբուհի Գալյանի հետ:
Լրագրողի խոսքով՝ անհարկի միջամտություն է թույլ տվել ՊՊԾ ծառայողը, մինչ այդ հարցազրույցն ընթացել է բնականոն, իսկ երբ նախարար Գալյանը իր համար ոչ հաճելի հարցից խուսափելով փորձել է շարժվել միջանցքով, իսկ լրագրողը հարցապնդումով շարունակել է քայլել նախարարի հետ, անվտանգության աշխատակիցը առանց որևէ մեկի հրահանգն ստանալու՝ ինքնառաջադրվելով ընդհատել է հարցազրույցը, խոչընդոտել լրագրողի աշխատանքին և ոլորելով կին լրագրողի՝ Լուսինե Շահվերդյանի ձեռքերը, քարշ տալով հեռացրել է նրան տարածքից՝ և ինքն օիրեն իրավունք է վերապահել արգելել լրագրողին կատարելու իր մասնագիտական աշխատանքը:
Ավեկի ուշ անվտանգության աշխատակիցը պատճառաբանել է, թե իբր նախարարը չի ցանկանում հարցազրույց տալ, մինչդեռ նախարարը չի հայտարարել, որ հրաժարվում է հարցերին պատասխանել, և հետևաբար չի տվել առիթ կամ պատճառ անվտանգության աշխատակցի ինքնագործունեության համար:
Ի դեպ, Արդարադատության նախարարը ներկա է եղել լրագրողի նկատմամբ բռնության տեսարանին, սակայն չի միջամտել և լուռ թողել հեռացել է:
