Երևանը ներառվել է Ռուսաստանի Պետդումայի պատգամավորների ընտրություններում արտասահմանյան ամենաակտիվ ընտրատեղամասերի շարքում։ Այս մասին «Вести» լրատվականի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, տեղեեկացնում է РИА Новости-ն։
Ըստ նրա, արտասահմանյան ընտրատեղամասերի թվում ընտրողների ակտիվությամբ առաջատար են դարձել նաև Բելգրադը, Կիպրոսը, Քիշնևը, Փհենյանը, Փհուկետը և Ղազախստանը։
«Ամենաակտիվ ընտրատեղամասերի թվում առաջատարներ են դարձել Երևանը, Բելգրադը, Կիպրոսը, Քիշնևը, Փհենյանը, Փհուկետը և Ղազախստանը», — ասել է Զախարովան։
Դիվանագետը նշել է, որ այս տարի արտերկրում ռուսաստանցի ընտրողների մասնակցությունը «չափազանց բարձր» է։
Նա նշել է, որ ցուցանիշները գերազանցում են նախորդ ընտրությունների դինամիկան։
Պետական դումայի իններորդ գումարման պատգամավորների ընտրությունները սկսվել են սեպտեմբերի 18-ին և ավարտվում են սեպտեմբերի 20-ին։ Միաժամանակ Ռուսաստանում անցկացվում են այլ տարածաշրջանային և մունիցիպալ ընտրություններ։
2026 թվականի միասնական քվեարկության օրը նախատեսվում է համալրել շուրջ 20,7 հազար պատգամավորական մանդատ և ընտրովի պաշտոն։
