Իրաքի վարչապետ Մուհամեդ ալ Սուդանին շաբաթ օրը հեռախոսազրույց է ունեցել ԱՄՆ նորընտիր նախագահ Դոնալդ Թրամփի հետ։ Այս մասին հայտնում է INA գործակալությունը՝ հղում անելով վարչապետի մամուլի ծառայությանը։
Հեռախոսազրույցի ընթացքում ալ-Սուդանին շնորհավորել է Թրամփին ընտրություններում հաղթանակի կապակցությամբ։ Բացի այդ, քաղաքական գործիչները վերահաստատել են երկու երկրների միջև ռազմավարական գործընկերությունը զարգացնելու և երկկողմ հարաբերությունների ամրապնդմանն ուղղված իրենց հանձնառությունը տնտեսական, ֆինանսական, էներգետիկ և տեխնոլոգիական ոլորտներում սերտ համագործակցության միջոցով:
Իրաքի վարչապետը նաև Թրամփին ասել է, որ հուսով է, որ տարածաշրջանում պատերազմները դադարեցնելու իր նախընտրական խոստումը կկատարվի և առաջարկել է համագործակցել այս հարցում։
