Մեծ Բրիտանիայի վարչապետ Քիր Սթարմերը մտադիր է հրապարակել ԱՄՆ նախագահական ընտրություններում Դոնալդ Թրամփի հաղթանակի ֆոնին պաշտպանական ծախսերը ՀՆԱ-ի 2,5%-ին հասցնելու պլանները։ Այս մասին գրում է The Telegraph-ը։
«Մեծ Բրիտանիայի ռազմական ծախսերի ավելացման երկար սպասված ժամանակացույցը ակնկալվում է, որ կհայտարարվի գարնանը», - ասվում է հաղորդագրության մեջ:
Նշվում է, որ լեյբորիստները հույս ունեն այս կերպ բարելավել հարաբերությունները ԱՄՆ նոր նախագահի հետ, որը բազմիցս պահանջել է ՆԱՏՕ-ի դաշնակիցներից պաշտպանական ծախսերի ավելացում:
Մեծ Բրիտանիայի պաշտպանության նախարար Ջոն Հիլին հաստատել է, որ մոտ ապագայում որոշում կկայացվի ծախսերը հասցնել ՀՆԱ-ի 2,5%-ի։
Ըստ հրապարակման՝ Բրիտանացի քաղաքական գործիչ, աջակողմյան Reform UK կուսակցության ղեկավար Նայջել Ֆարաջը ավելի վաղ ասել էր, որ եթե Արևմուտքը շարունակի աջակցել Կիևին, Ուկրաինայում հակամարտությունը կձգձգվի։
