2026 թվականի մայիսի վերջից մինչև հուլիս ընկած ժամանակահատվածում բռնկված սաստիկ շոգերի ընթացքում Ֆրանսիայում արձանագրվել է հավելյալ մահացության 7,3 հազար դեպք։ Նախնական տվյալները չորեքշաբթի օրը հրապարակել է Ֆրանսիայի Santé publique France հանրային առողջապահության գործակալությունը, հայտնում է Le Figaro-ն։
Հուլիսի 3-ից 22-ն ընկած ժամանակահատվածում գրանցված շոգի երկրորդ ալիքի ընթացքում արձանագրվել է 1243 հավելյալ մահ։ Սա ավելի քիչ է, քան հունիսի վերջին տեղի ունեցած առաջին ուժեղ շոգի ժամանակ գրանցված մահերի քանակը։
Հունիսի 17-ից 30-ը՝ սաստիկ շոգի առաջին փուլում, ընդհանուր առմամբ գրանցվել է 5764 հավելյալ մահ։
Եվս մոտ 300 մահ էլ արձանագրվել է այս տարվա շոգերի ամենաառաջին ալիքի ժամանակ, որը տևել էր մայիսի 24-ից 28-ը։
Մասնագետները նշում են, որ դեռ չի կարելի վստահորեն պնդել, թե բոլոր այս մահերն անմիջապես շոգի հետևանք են։ Խոսքը շոգ օրերին բոլոր պատճառներով գրանցված ընդհանուր հավելյալ մահերի մասին է։
Գործակալությունը նշում է, որ այս թվերը դեռ նախնական են։
