Ազգային վիճակագրական կոմիտեի տվյալների համաձայն՝ 2026 թվականի հունիսին Երևանում բազմաբնակարան շենքերի բնակարանների գները նախորդ տարվա նույն ամսվա համեմատ աճել են բոլոր վարչական շրջաններում։ Ամենաբարձր արժեքը գրանցվել է Կենտրոնում, որտեղ 1 քմ-ի միջին գինը հասել է 966,9 հազար դրամի՝ նախորդ տարվա 878 հազար դրամի փոխարեն։
Արաբկիրում 1 քմ-ն արժեցել է 703 հազար դրամ, Նորք Մարաշում՝ 562 հազար, Դավթաշենում՝ 555 հազար, Քանաքեռ-Զեյթունում՝ 529 հազար դրամ։ Մյուս վարչական շրջաններում հունիսին 1 քմ-ի գները կազմել են՝ Մալաթիա-Սեբաստիա՝ 482 հազար, Նոր Նորք՝ 483 հազար, Ավան՝ 473 հազար, Էրեբունի՝ 481 հազար, Շենգավիթ՝ 483 հազար, Աջափնյակ՝ 491 հազար դրամ։
Ամենացածր գինը շարունակում է գրանցվել Նուբարաշենում, սակայն այստեղ ևս աճ է արձանագրվել՝ 236 հազար դրամից հասնելով 271 հազար դրամի։
