Cadena SER ռադիոկայանի փոխանցմամբ՝ Իսպանիայի Սեուտա նահանգ Մարոկկոյից մուտք գործելու փորձի ժամանակ մահացած միգրանտների թիվը հասել է 61-ի, ինչը ռեկորդային ցուցանիշ է։
«Մահացածների թիվը, որը ներկայումս կազմում է 61, նույնպես ռեկորդային է, քանի որ նման ցուցանիշ երբեք այդքան կարճ ժամանակահատվածում չի գրանցվել», - հաղորդում է ռադիոկայանը։ Cadena SER-ի փոխանցմամբ՝ իրավապահ մարմինները շարունակում են դիակներ գտնել սահմանի մոտ գտնվող Տարախալ լողափում, ինչը ենթադրում է, որ զոհերի թիվը կարող է աճել։
Ուրբաթ օրը Սեուտայի քաղաքապետ-նախագահ Խուան Խեսուս Վիվասը հայտարարեց, որ վերջին 24 ժամվա ընթացքում Մարոկկոյից Սեուտա է մուտք գործել մոտ 60,000 մարդ: RTVE-ն, հղում անելով Իսպանիայի Ներքին գործերի նախարարությանը, հաղորդել է, որ ավելի քան 48,300 անօրինական միգրանտներ արդեն վերադարձել են Մարոկկո:
