ԱՄՆ նորընտիր նախագահ Դոնալդ Թրամփը NBC-ին տված հարցազրույցում ասել է, որ ընտրություններում հաղթելուց հետո դեռ չի խոսել ՌԴ նախագահ Վլադիմիր Պուտինի հետ, սակայն չի բացառում այն։
«Կարծում եմ՝ մենք կխոսենք», – ասել է նա՝ մեկնաբանելով իր նախկին շփումների բացակայությունը Ռուսաստանի պետության ղեկավարի հետ։
Թրամփը նաև նշել է, որ իր ընտրվելուց հետո խոսել է «մոտ 70 համաշխարհային առաջնորդների» հետ, այդ թվում՝ Վլադիմիր Զելենսկիի և Իսրայելի վարչապետ Բենիամին Նեթանյահուի։
Նա հավելել է, որ ԱՄՆ նախագահ Ջո Բայդենի հետ պայմանավորվել է «շատ մոտ ապագայում միասին ճաշել»։
