ԱՄՆ-ը քննարկում է իր որոշ ռազմական բազաներ Քուվեյթից և Սաուդյան Արաբիայից տեղափոխելու հարցը՝ Մերձավոր Արևելքում նոր մարտերի դեպքում իր խոցելիությունը նվազեցնելու համար, հաղորդում է Wall Street Journal-ը՝ հղում անելով քննարկումներին ծանոթ ամերիկացի պաշտոնյաներին։
«Ռազմական ղեկավարները (ԱՄՆ) ներկայումս քննարկում են Բահրեյնում գտնվող բազայի արդիականացման, Քուվեյթում և Սաուդյան Արաբիայում ամերիկյան ներկայության կրճատման և որոշ բազաներ կամ դրանց գործառույթները արևմուտք տեղափոխելու հարցը՝ իրանական հրթիռների և անօդաչու թռչող սարքերի հեռահարությունից հեռու», - պնդում է հրատարակությունը։
Մասնավորապես, խոսքը վերաբերում է Բահրեյնում գտնվող ԱՄՆ ռազմածովային բազային, որը, ըստ WSJ-ի, Իրանի դեմ գործողության սկզբից ի վեր բազմաթիվ հարվածների է ենթարկվել։
Թերթի տվյալներով՝ հարձակումների հետևանքով զգալի վնաս է հասցվել, որի մասին Պենտագոնը հրապարակայնորեն չի հայտնել։
