Իրան-ԱՄՆ համաձայնագիրը չի նախատեսում Վաշինգտոնից որևէ ֆինանսական փոխանցում, սակայն ԱՄՆ փոխնախագահ Ջ.Դ. Վենսի խոսքով՝ այլ երկրների կողմից Իսլամական Հանրապետության տնտեսությունում ներդրումներ կատարելը հնարավոր է։
«Համաձայնագրում նշված է, որ նրանք ամերիկյան փողից ոչ մի կոպեկ չեն ստանա։ Համաձայնագրում նաև նշված է, որ եթե իրանցիները պահպանեն համաձայնագրի պայմանները, եթե պատժամիջոցները մեղմացվեն, եթե իրանցիները ինտեգրվեն համաշխարհային տնտեսությանը, մենք կհրավիրենք այլ երկրների՝ ոչ թե ԱՄՆ-ին, ներդրումներ կատարել իրենց երկրում։
Բայց դա հնարավոր է միայն համաձայնագրի պահպանման դեպքում», – ասել է նա Fox News-ին տված հարցազրույցում։ Ավելի վաղ ԱՄՆ-ի, Իրանի և Պակիստանի պաշտոնյաները հաստատել էին Վաշինգտոնի և Թեհրանի միջև ձեռք բերված համաձայնությունը, որն ուղղված է Մերձավոր Արևելքում պատերազմի դադարեցմանը։
