Հնդկաստանի պաշտպանության հետազոտությունների և զարգացման կազմակերպությունը (DRDO) հաջողությամբ անօդաչու թռչող սարքից արձակել է տեղական արտադրության կառավարվող հրթիռ, հայտարարել է երկրի պաշտպանության նախարարությունը։ «DRDO-ն ավարտել է ULPGM-V3 (անօդաչու թռչող սարքից արձակվող ճշգրիտ կառավարվող հրթիռ) սերիական արտադրության վերջնական կոնֆիգուրացիայի փորձարկումները», - նշել է նախարարությունը։
Փորձարկումները անցկացվել են օդ-երկիր և օդ-օդ ռեժիմներով Հնդկաստանի հարավային Անդհրա Պրադեշ նահանգի Կուրնուլ քաղաքի մոտ գտնվող DRDO հրաձգարանում։ «Փորձարկումների ընթացքում ULPGM հրթիռային համակարգը կառավարելու համար օգտագործվել է ինտեգրված ցամաքային կառավարման համակարգ (GCS):
GCS-ն օգտագործում է առաջադեմ տեխնոլոգիաներ, որոնք ավտոմատացնում են արձակման նախապատրաստման գործընթացները և արձակումն ինքնին», - հայտարարել է Հնդկաստանի պաշտպանության նախարարությունը։ «Հրթիռը արտադրվել է բացառապես Հնդկաստանի պաշտպանական արդյունաբերության կողմից՝ փոքր և միջին բիզնեսի լայն շրջանակի, ինչպես նաև այլ արդյունաբերական կազմակերպությունների մասնակցությամբ։ Փորձարկման արդյունքները հաստատել են տեղական արտադրական շղթայի լիարժեք հասունությունը, որը պատրաստ է սերիական զանգվածային արտադրության անհապաղ տեղակայմանը», - հավելել է գերատեսչությունը։
