Կատարը, Սաուդյան Արաբիան, ԱՄԷ-ն և այլ երկրներ խնդրել են Միացյալ Նահանգներին երկու-երեք օրով հետաձգել Իրանի վրա հարվածները՝ հավատալով, որ համաձայնագիրը մոտ է։ Այս մասին հայտարարել է ԱՄՆ նախագահ Դոնալդ Թրամփը Սպիտակ տանը լրագրողների հետ հանդիպման ժամանակ։
«Սաուդյան Արաբիան, Կատարը, ԱՄԷ-ն և մի քանի այլ երկրներ ինձ հարցրել են, թե կարող ենք արդյոք Իրանի վրա հարվածները երկու-երեք օրով հետաձգել՝ կարճ ժամանակահատվածում, քանի որ նրանք կարծում են, որ մենք շատ մոտ ենք համաձայնությանը։ Եվ եթե մենք կարողանանք դրան հասնել, եթե Իրանը միջուկային զենք չստանա, եթե նրանք գոհ լինեն, կարծում եմ՝ մենք նույնպես, հավանաբար, գոհ կլինենք», - հայտարարել է ամերիկացի առաջնորդը։
Նա հավելել է, որ ԱՄՆ-ը տեղեկացրել է Իսրայելին և Մերձավոր Արևելքի մի քանի այլ երկրների Իրանի վրա հարվածները հետաձգելու որոշման մասին։ «Կտեսնենք՝ դա ինչ-որ բանի կհանգեցնի՞», - ասել է Սպիտակ տան ղեկավարը։
