Իսրայելի և «Հեզբոլլահի» միջև ընթացող պատերազմի պատճառով Լիբանանի ավելի քան 1,2 միլիոն բնակիչ կարող է կանգնել սննդի սուր պակասի խնդրի առաջ։ Այս մասին նշված է ՄԱԿ-ի կողմից հաստատված զեկույցում։
ՄԱԿ-ի Պարենի և գյուղատնտեսության կազմակերպության (FAO), Պարենի համաշխարհային ծրագրի (WFP) և Լիբանանի գյուղատնտեսության նախարարության համատեղ հայտարարության համաձայն՝ մոտ 1,24 միլիոն մարդ (հետազոտված բնակչության գրեթե յուրաքանչյուր չորրորդը) 2026 թվականի ապրիլից օգոստոս ընկած ժամանակահատվածում կգտնվի պարենային անվտանգության ճգնաժամային կամ ավելի վատթար մակարդակում։
Նշվում է, որ օրավիճակը շատ ավելի վատ է, քան մինչև մարտ ամսվա ռազմական գործողությունները։ Այն ժամանակ սննդի սուր պակաս ունեցողների թիվն արդեն հասնում էր 874 հազարի (բնակչության 17%-ը)։
Հայտարարության մեջ ընդգծվում է, որ վիճակի վատթարացումը կապված է մարտական գործողությունների, բնակչության տեղահանման և տնտեսական ճնշումների հետ։
