Ինձ համար անընդունելի է Կառավարության դիրքորոշումը զոհվածների օրվա վերաբերյալ։
Այս մասին այսօր ԱԺ-ում ասաց «Հայաստան» խմբակցության պատգամավոր Գեղամ Նազարյանը։ Տեղեկացնում է Lurer.com-ը:
«Զոհվածների հիշատակը պետք է հարգվի հատուկ օրով։ Ես ծանոթացա Կառավարության ներկայացրած դիրքորոշման հետ, թե ունենք հունվարի 28՝ Բանակի օր, այդ օրը գնում ենք Եռաբլուր և կարիք չկա նոր օր ընտրելու։
Ինձ համար անընդունելի է և չի կարելի զոհված ու նահատակված մարդկանց օրը խառնել երկրի վրա ապրող մարդկանց օրվա հետ»,- նշեց պատգամավորը։Նազարյանը կառավարությանը կոչ արեց փոխել դիրքորոշումը և հուսով է 2 ամսում կկարողանա կառավարությանը համոզել, որ ճիշտը հատուկ զոհվածների օր ունենալն է։
