ՄԻՊ գլխավոր քարտուղարը միջազգային գործընկերներին է ներկայացրել զինված հակամարտություններում ՀՀ ՄԻՊ-ի փորձը

04.11 15:06 | Կատեգորիա Հասարակություն

ՀՀ մարդու իրավունքների պաշտպանի աշխատակազմի գլխավոր քարտուղար Նինա Փիրումյանը հոկտեմբերի 27-ից 31-ը մասնակցել է Մարդու իրավունքների ազգային ինստիտուտների եվրոպական ցանցի գլխավոր ասամբլեային, ինչպես նաև Մարդու իրավունքների ազգային հաստատությունների եվրոպական ցանցի՝ «Զինված հակամարտություններում գործող՝ մարդու իրավունքների ազգային հաստատությունների դերն ու գործառույթները» խորագրով համաժողովին։

ՄԻՊ-ից հայտնում են, որ գլխավոր ասամբլեայի շրջանակում քննարկվել են Մարդու իրավունքների ազգային հաստատությունների եվրոպական ցանցի 2024 թվականի գործունեության զեկույցը, կառավարող խորհրդի անդամների ընտրության հարցը, ինչպես նաև 2025 թվականի գործողությունների ծրագիրը։

Միջազգային համաժողովին անդրադարձ է կատարվել պատերազմական և հետպատերազմական պայմաններում գործող մարդու իրավունքների ազգային հաստատությունների գործունեության առանձնահատկություններին, մարտահրավերներին ու փորձառությանը։

Նինա Փիրումյանը Մարդու իրավունքների ազգային ինստիտուտների եվրոպական ցանցի անդամ գործընկերներին է ներկայացրել Հայաստանի մարդու իրավունքների պաշտպանի հաստատության փորձը՝ անդրադարձ կատարելով բռնի տեղահանված անձանց իրավունքների պաշտպանության ու մշտադիտարկման աշխատանքներին, այն մարտահրավերներին, որոնց առնչվել է հաստատությունը պատերազմական և հետպատերազմական պայմաններում գործունեություն ծավալելիս։

Մասնավորապես, առանձին անդրադարձ է կատարվել փաստահավաք աշխատանքների կարևորությանը, բռնի տեղահանված բնակչության հետ աշխատանքի առանձնահատկություններին, հավաստի տեղեկատվության հավաքագրմանն ուղղված՝ աշխատակազմի ջանքերին ու կարողությունների զարգացմանն ուղղված քայլերի ձեռնարկմանը։

Համաժողովի ընթացքում կարևորվել է նաև հաստատությունների աշխատակազմերի հոգեբանական պատրատվածությանն ուղղված վերապատրաստումների կարևորությունը, ինչպես նաև փաստահավաք աշխատանքների վերաբերյալ ձեռնարկների ու ուղեցույցների կիրառությունը։

Նինա Փիրումյանն իր խոսքում ընդգծել է մարդու իրավունքների ազգային հաստատությունների անկախության ու անաչառության պահպանման կարևորությունը հատկապես զինված հակամարտությունների պայմաններում մարդու իրավունքների խախտումներն արձանագրելիս։

Համաժողովի ավարտին՝ հաշվի առնելով Հայաստանի մարդու իրավունքների պաշտպանի ինստիտուտի առաջադեմ փորձը, եվրոպական դաշինքի մի շարք գործընկերների հետ ձեռք է բերվել հետագա փորձի փոխանակման և համագործակցության վերաբերյալ պայմանավորվածություն։

Ամենաշատ կարդացվածներ

Ողբերգական ավտովթար՝ Աբովյան-Ջրվեժ ճանապարհին. բախվել են «Ford Transit»-ն ու «Kamaz»-ը. կա 1 զոհ

23.01 17:07 | Կատեգորիա Պատահարներ

Ադրբեջանի իշխանությունները խոչընդոտո՞ւմ են Ծառուկյանի չեմպիոնությանը

23.01 19:59 | Կատեգորիա Սպորտ

Մանուէլ Պետրոսյանը և Անահիտ Մկրտչյանը՝ շախմատի Հայաստանի առաջնության չեմպիոններ

22.01 17:50 | Կատեգորիա Սպորտ

ՌԴ հատուկ ծառայությունները բռնել են «Ֆազի» սպանողին. Գողություն՝ հայտնի բլոգերի տնից (տեսանյութ)

22.01 17:11 | Կատեգորիա Պատահարներ

Թրամփն անվանել է հնարավոր իրավահաջորդներին.Ավստրիայում կկայանա՞ եպիսկոպոսաց ժողովը (տեսանյութ)

22.01 17:40 | Կատեգորիա Հասարակություն

Ղուկասյանի ձերբակալությունը քաղաքական աբսուրդ է. Զախարովա

22.01 18:37 | Կատեգորիա Քաղաքական

Թուրք աստղերի զանգվածային ձերբակալություններ․ ինչ է հայտնի

23.01 00:57 | Կատեգորիա Ժամանց

Ալիևը հանդիպում է ունեցել Թրամփի հետ Դավոսում

22.01 20:06 | Կատեգորիա Քաղաքական

2 հրետանի էլ Նավուր գյուղում կա, դրանք էլ ավելացրեք. Սրբազանը հեգնեց դատախազների մեղադրական ելույթը (տեսանյութ)

22.01 17:28 | Կատեգորիա Քաղաքական

ՈՒՂԻՂ

«4 ամիս առանց քեզ». հոր սպանությունից 4 ամիս անց Վալոդյա Գրիգորյանի դուստրը հուզիչ գրառում է արել