«Մենք Իրանի հարցով շատ լավ բանակցություններ ենք ունեցել։ Թվում է՝ Իրանը շատ է ցանկանում գործարք կնքել։ Պետք է տեսնենք՝ ինչպիսի գործարք է դա լինելու», — հայտարարել է Վաշինգտոնի վարչակազմի ղեկավարը լրագրողների հարցերին պատասխանելիս իր ինքնաթիռում՝ Ֆլորիդա նահանգ ուղևորվելիս, որտեղ, ինչպես սպասվում է, նա կանցկացնի հանգստյան օրերը։
«Նախորդ անգամ նրանք որոշեցին դա չանել։ Սակայն այս անգամ հնարավոր է՝ այլ կերպ են տրամադրված», — հավելել է նա։
«Մենք լիովին բավարար ժամանակ ունենք։ Եթե հիշեք Վենեսուելայի օրինակը, մենք որոշ ժամանակ սպասեցինք։ Եվ Իրանի դեպքում նույնպես չենք շտապում», — ընդգծել է Թրամփը։
«Մենք ունենք մեծ նավատորմ, որը շարժվում է այդ ուղղությամբ։ Այն բավական շուտ այնտեղ կլինի», — նշել է նա՝ նկատի ունենալով ԱՄՆ ուժերի տեղաշարժը Իրանի սահմաններին ավելի մոտ։
