Աշխարհը տիկին Նաիրայինն է 9-րդ աղջիկն է ծնվել։ Ասում է աղջկան գիրկն առնելուն պես թվացել է, որ իր հերոս Ժիրայրին է գրկել։
Արցախյան 44-օրյա պատերազմում զոհված Ժիրայր Մարգարյանի քրոջը 44-օրյա պատերազմի հերոս սերժանտ Հասմիկ Արզումանյանի անունով են անվանակոչել։
Մարգարյանները թեև արմատներով Շիրակի մարզից են, բայց մոտ քսան տարի ապրել են Քաշաթաղի շրջանի Վակունիս գյուղում և պատերազմից հետո են տեղափոխվել Շիրակի մարզի Մայիսյան գյուղ, հիմա Արմավիրի մարզում են բնակություն հաստատել։
Մարգարյանների ընտանիքը պատերազմի ժամանակ կորցրել է իր 18 տարեկան միակ որդուն՝ Ժիրայրին։
Նա ընդամենը 2 ամսվա ծառայող էր և մարտական մկրտությունը եղավ արցախյան 44-օրյա պատերազմում։
Վերջին զանգն էլ Ժիրայրի հետ հենց եղել է պատերազմի առաջին օրը՝ սեպտեմբերի 27-ին, որից հետո եղբորից լուր չեն ունեցել, բայց չմարող հույս են ունեցել, որ Ժիրայրը տուն կգա։
Ժիրայր Մարգարյանի մարմինը գտել են որոնումների 9-րդ ամսում։
