Իսրայելի իշխանությունները մտավախություն ունեն, որ ԱՄՆ-ը ու Իրանը առաջիկա ուղղակի բանակցությունների ընթացքում կարող են հասնել որոշակի համաձայնության, որը չի կշռադատի հրեական պետության շահերը։
Այս մասին Al-Monitor պորտալը հաղորդել է՝ իր աղբյուրներին հղումով։ Ըստ հրապարակման՝ երեքշաբթի ԱՄՆ նախագահի հատուկ բանագնաց Սթիվեն Ուիթկոֆը իր այցի ընթացքում փորձել է համոզել Իսրայելի ղեկավարությանը, որ Վաշինգտոնը կպահպանի խիստ դիրքորոշում Իրանի հետ բանակցությունների ընթացքում։
Այնուամենայնիվ, ինչպես նշում են պորտալի աղբյուրները Իսրայելի կառավարության ներսում, նա չի կարողացել վերացնել երկրի ղեկավարության մտավախությունները։ Իսրայելի վարչապետ Բինյամին Նեթանյահուն կոչ է արել Ուիթկոֆին չվստահել իրանական կողմին և շեշտել է, որ Թեհրանի նկատմամբ առավել նպատակահարմար է ուժային սցենարը։
