Կրեմլը, Ելիսեյան պալատի հետ համերաշխությունից ելնելով, չի հաստատի և չի հերքի տեղեկությունները Ֆրանսիայի նախագահ Էմանուել Մակրոնի խորհրդականի՝ Մոսկվա ենթադրյալ այցի վերաբերյալ։ Այդ մասին հայտարարել է ՌԴ նախագահի մամուլի խոսնակ Դմիտրի Պեսկովը։
Ավելի վաղ Reuters գործակալությունը հայտնել էր, որ Մակրոնի դիվանագիտական խորհրդական Էմանուել Բոնը այցելել է Մոսկվա՝ Ռուսաստանի պաշտոնյաների հետ հանդիպումների համար։
«Մենք նաև գիտենք, որ Ելիսեյան պալատը չի հերքել և չի հաստատել այդ տեղեկատվությունը։ Համերաշխության զգացումից ելնելով՝ մենք նույնպես չենք հաստատի և չենք հերքի այն», — լրագրողներին ասել է Պեսկովը՝ պատասխանելով հարցին, թե արդյոք Բոնը իսկապես եղել է Մոսկվայում աշխատանքային այցով և ինչ նպատակով։
