Թուրքիայի նախագահ Ռեջեփ Թայիփ Էրդողանը իր իրանցի գործընկեր Մասուդ Փեզեշքիանի հետ հեռախոսազրույցի ընթացքում հայտնել է Անկարայի պատրաստակամությունը՝ հանդես գալու որպես միջնորդ Վաշինգտոնի և Թեհրանի միջև՝ տարածաշրջանում լարվածության թուլացման նպատակով։
«Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Իրանի նախագահ Մեսուդ Փեզեշքիանի հետ։ Ղեկավարները քննարկել են Թուրքիայի և Իրանի միջև երկկողմ հարաբերությունները, ինչպես նաև տարածաշրջանում աճող ռազմական լարվածությունը։ Զրույցի ընթացքում նախագահ Էրդողանը ընդգծել է, որ Թուրքիան պատրաստ է միջնորդական դեր ստանձնել Իրանի և ԱՄՆ-ի միջև՝ լարվածության նվազեցման և խնդիրների կարգավորման համար», — հայտնել է Թուրքիայի նախագահի աշխատակազմը։
Էրդողանը նաև նշել է, որ ուրբաթ օրը կընդունի Իրանի արտաքին գործերի նախարար Աբբաս Արաղչիին, ով գտնվում է Թուրքիայում պաշտոնական այցով։
